27 mai 2026, 21:28:48
الخنوس يواصل الصعود.. وقيمته السوقية ترتفع من جديد
بلال الخنوس ما بقاش غير موهبة واعدة، بل ولى اليوم واحد من أبرز الأسماء المغربية الصاعدة فالساحة الكروية العالمية، بعدما ارتفعت قيمته السوقية إلى 35 مليون يورو حسب آخر تحديث لموقع “ترانسفير ماركت”.
اللاعب المغربي، رغم أنه مازال صغير فالسن، قدر يراكم تجربة كبيرة سواء مع الأندية أو مع المنتخب الوطني، ونجح فسنوات قليلة يفرض راسو كلاعب عندو شخصية وثقة كبيرة فوسط الميدان.
الخنوس ساهم فالتتويج القاري مع المنتخب المغربي، وها هو اليوم كيوجد لخوض كأس العالم للمرة الثانية توالياً، في مؤشر واضح على المكانة اللي ولى عندو داخل مشروع “أسود الأطلس”.
وبالنسبة بزاف ديال المتابعين، القيمة الحقيقية ديال الخنوس ما كتتقاسش غير بالأرقام، بل بالطريقة اللي كيلعب بها، الهدوء ديالو، والقدرة على صناعة الفارق فالمباريات الكبيرة.
شنو رأيكم.. بلال الخنوس يقدر يوصل مستقبلاً لأحد كبار أندية أوروبا؟
Loading related news...
