14 janv. 2026, 16:56:40
أسود الأطلس قدّام نيجيريا حلم النهائي على المحك
المنتخب الوطني المغربي كيدخل اليوم الأربعاء مواجهة قوية قدّام نيجيريا، ابتداءً من التاسعة ديال الليل فالمركب الرياضي مولاي عبد الله فالرباط، برسم نصف نهائي كأس أمم إفريقيا المغرب 2025. ماتش بنكهة خاصة، فين الأرض والجمهور كيشكّلو سلاح مهم لأسود الأطلس فطريق البحث على العودة لمنصة التتويج الإفريقي الغايبة من 1976.
المغرب واصل مشوار مميز فالكان، تصدر المجموعة الأولى، داز تنزانيا، وأقصى الكاميرون بثقة وأداء مقنع، وهاد الشي عطى شحنة معنوية كبيرة قبل موعد نيجيريا، منتخب متمرّس وكيعرف مزيان كيفاش يلعب مباريات الضغط.
وليد الركراكي مرشّح يبقى وفيّ لنهج التوازن بين الدفاع والهجوم، مع تركيز كبير على احتواء خطورة أوسيمين ولوكمان، واستغلال التحولات السريعة والحسم فالتفاصيل الصغيرة.
مواجهة اليوم ماشي غير ماتش كرة، ولكن اختبار حقيقي للطموح، للجاهزية الذهنية، ولرغبة كتابة صفحة جديدة فالتاريخ الكروي المغربي.
فرايك واش أسود الأطلس قادرين يدوزو نيجيريا ويبلغو نهائي الكان؟
Loading related news...
