17 juin 2025, 08:12:00
الوداد قدّام السيتي فالموندياليتو... واش قادرين نخلقو المفاجأة؟
الوداد الرياضي كيدخل غمار كأس العالم للأندية 2025 بمواجهة نارية ضد مانشستر سيتي، نهار الأربعاء 18 يونيو، على ملعب "لينكون فاينانشال فيلد" ففيلادلفيا، مع 5 ديال العشية بتوقيت المغرب.
الفريق الأحمر، بقيادة المدرب بنهاشم، كيمشي للموعد العالمي بمعنويات عالية وتحضير قوي فالأراضي الأمريكية، رغم الغياب ديال المهاجم عمر السومة بسبب مشاكل فالتأشيرة.
بنهاشم خدم مع اللعابة على خطة خاصة لمواجهة السيتي، والهدف واضح: بداية قوية تفرح بها الجماهير الودادية والمغربية.
من جهتو، مانشستر سيتي بغي يرجع هيبته بعد موسم ماكانش فالمستوى، وكيعرف مزيان أن الوداد ماشي خصم ساهل، خصوصاً مع الروح اللي معروف بها الفريق فالمباريات الكبيرة.
الجماهير الودادية مدعوة تساند فريقها بكل قوة، والماتش غادي يتنقل مباشرة ومجّاناً على تطبيق DAZN بتعليق عربي.
واش كتشوفو الوداد قادر يدوّز السيتي ويخلّي بصمتو فالمونديال؟
مايهمني.غير رضاه لميمة
2025-06-18 09:55:47
niaouli
2025-06-17 08:59:04
أخبار أخرى
