18 sept. 2025, 16:58:08
عبد الإله فهمي يوجّه رسالة غاضبة للرجاء بعد الكلاسيكو
اللاعب الدولي السابق والعميد الأسبق للرجاء الرياضي، عبد الإله فهمي، عبّر على غضبه الكبير من المستوى اللي بان بيه الفريق فالكلاسيكو ضد الجيش الملكي، وطالب بإبعاد أي لاعب ما قادرش يعطي الإضافة.
فهمي كتب تدوينة نارية فـ"فايسبوك" قال فيها:
"الرجاء مؤسسة كبيرة ماشي أي فريق. سالى وقت الأعذار وسالي وقت التصاور والفيديوهات.. العطاء فوق الميدان هو المقياس."
وزاد موجها كلامو مباشرة للاعبين والمدرب لسعد الشابي:
"اللي ما عطاش فالميدان، يجلس فالبنك ولا يمشي بحالو. الرجاء محتاج مدرب كبير يقود الفريق للانتصارات."
وأكد أن المكتب المديري موفّر كل الظروف: مالية وإدارية وتنظيمية، والجمهور كيدعم وضاحي، لكن اللاعبين خاصهم يبرهنو فالأرضية:
"يا نتائج يا تغيير."
الجماهير الرجاوية حتى هي ما عجبهاش الأداء فالكلاسيكو اللي سالى بلا أهداف، وزاد هادشي من حدّة الغضب.
واش تتفقو مع كلام عبد الإله فهمي؟
أخبار أخرى
