🇲🇦🎙️ مروان الشماخ يفتح قلبه: "ما بغيتش نحرق المراحل... و حكيمي هو الكرة الذهبية ديالنا!" 🌟⚽

فـ خرجة إعلامية نادرة على قناة Le 7 TV، تكلم نجم بوردو السابق مروان الشماخ على بزاف ديال المواضيع، بين التفاؤل بكأس إفريقيا، ودعم المنتخب النسوي، وترشيح أشرف حكيمي للكرة الذهبية، وطموحو المهني بعد الاعتزال.

🔴 على المنتخب الوطني:

"كنتمنى من وليد الركراكي يجيب لينا كأس إفريقيا، وأنا شخصيًا كَنآمن بلي يقدر يديرها... خاصنا نكونو كاملين وراه ونعطيو طاقة إيجابية، وهاد الكأس غتبقى عندنا إن شاء الله."

⚽ على الكرة الذهبية الإفريقية:

"قبل كأس العالم الأندية كان ممكن نقولو كاين نقاش، لكن دابا ماكاين حتى نقاش… خص تكون من نصيب أشرف حكيمي. وحتّى إلا ما خداهاش، فبالنسبة لينا هو الكرة الذهبية ديالنا فقلوبنا."

🧠 على مستقبله المهني:

"كنمشِي بشويّة بشويّة، ما بغيتش نحرق المراحل... عندي طموح نرجع للميدان الرياضي، فشي نادي ولا مؤسسة، ولكن كلشي فوقتو."

📲 ونتوما، شنو رأيكم؟ واش حكيمي فعلاً يستاهل الكرة الذهبية؟ واش الشماخ ينجح كمدرب؟
جاوبونا فـ التعليقات، وخليو رأيكم يوصل 💬👇