يوم مغربي خالص فالدوريات الأوروبية

مساء يوم أمس، تألق ثلاثة من أفضل المواهب المغربية فـ أوروبا… آيت بودلال، الكعبي، والخنوس بصموا على ليلة كروية مغربية بامتياز.

آيت بودلال واصل النسق القوي ديالو فالدوري الفرنسي، وسجّل الهدف الأول لرين فالدقيقة 20 قدّام موناكو، مساهمًا ففوز كبير بـ4-1. المدافع المغربي حصل على تنقيط 8.1 ورفع حصيلتو لهدفين فـ6 مباريات فقط، ليرتقي رين للمركز الخامس بـ21 نقطة.

وفي اليونان، ماكينة الأهداف أيوب الكعبي ما زال كتخدم بقوة… سجّل من ضربة جزاء فالدقيقة 37 قدّام أتروميتوس، ورفع الرصيد ديالو لـ 9 أهداف فـ11 مباراة، مع أعلى تنقيط فالمباراة 9.2. أولمبياكوس حافظ على الصدارة بـ28 نقطة.

أما فالدوري الألماني، فبلال الخنوس أكد أنه انتقال ناجح لشتوتغارت بعدما صنع الهدف الأول لفريقه فالتعادل المثير 3-3 ضد دورتموند. بصناعة جديدة، وصل الخنوس لـ 10 مساهمات هذا الموسم، مع تقييم ممتاز 7.5… رسائل واضحة للركراكي بأن اللاعب حاضر بقوة قبل الاستحقاقات المقبلة.

مساء أمس كان مغربياً 100%… تألق فالدفاع، الوسط والهجوم، وكيبيّن بأن اللاعبين المغاربة ولى عندهم وزن كبير فالدوريات الأوروبية.

واش كتشوفو هاد النسق يقدر يستمر حتى نهاية الموسم؟