14 janv. 2026, 17:15:39
أوبتا كتمنح المغرب أكبر حظوظ التتويج بالكان
كأس أمم إفريقيا المقامة فالمغرب دخلات دابا لمرحلة الحسم، ومع الوصول لنصف النهائي ولى الصراع محصور بين أربعة منتخبات كبار: المغرب، نيجيريا، السنغال ومصر.
فهاد السياق، الحاسوب العملاق ديال شركة “أوبتا” خرج بتوقعاتو بعد آلاف المحاكاة المعتمدة على الأداء والنسق وقوة الخصوم، وحط المنتخب المغربي فصدارة المرشحين للتتويج بنسبة هي الأعلى.
حسب أوبتا، أسود الأطلس عندهم حظوظ كبيرة يحقّقو اللقب الإفريقي الثاني بعد إنجاز 1976، لكن الطريق مازال فيه اختبار صعيب قدّام نيجيريا فالنصف النهائي.
وجا المنتخب السنغالي فالمركز الثاني، متبوع بنيجيريا، بينما مصر حلّات أخيرا رغم تاريخها الكبير فالمسابقة.
نصف النهائي كيوعد بالإثارة، بين إعادة نهائي 2021 بين السنغال ومصر، ومواجهة قوية بين المغرب ونيجيريا، فين الحسابات غتتحسم فوق الميدان ماشي غير فالأرقام.
فرايك واش التوقعات غتكون فمحلها والمغرب غيمشي حتى لآخر المشوار؟
أخبار أخرى
