15 janv. 2026, 15:33:35
نائل العيناوي فخر وسط الميدان واكتشاف الكان
الصحيفة الإيطالية “كورييري ديلو سبورت” اعتبرت نائل العيناوي أفضل لاعب وسط فـكأس أمم إفريقيا المغرب 2025، ووصفتو باكتشاف البطولة وبمصدر فخر كبير لجماهير أسود الأطلس.
الجريدة أشادت بالمستوى العالي ديالو وبالشخصية القوية اللي بان بها، خصوصا فركلة الجزاء قدّام نيجيريا، اللي سددها بثقة لاعب مخضرم بلا تردد.
حسب نفس المصدر، إجماع كبير وسط خبراء الكرة على أن العيناوي قدّم بطولة شبه كاملة بلا أخطاء، وبيّن نضج كبير رغم صغر سنو، الشي اللي خلاه يربح احترام الجميع، فالمغرب وحتى فإيطاليا.
واليوم، نائل واجد يلعب نهائي الكان فوق أرض بلادو وتحت ضغط جماهيري كبير، لكن المؤشرات كلها كتقول أنه قدّ المسؤولية ويقدر يكون واحد من مفاتيح الحسم.
فرايك واش نائل العيناوي هو أحسن لاعب وسط فهاد النسخة ديال الكان؟
أخبار أخرى
